(मराठीगझल.कॉम वर आयोजीत कार्यशाळेत लिहिलेली गझल)
हुंदका साधा तुझा सांगून गेला,
शब्द माझा केवढा टोचून गेला!
मी कधी ना घेतले चाळून कोणा
भेटल जो, तो मला गाळून गेला
कोणती इच्छा अशी धरली मनी तू ?
पापणीचा केस खंतावून गेला!
बांधले होतेच त्याने पाय माझे,
आज माझे पंखही छाटून गेला
हा खुलासा मागती आक्रंदणारे
’तो चितेवर का असा हासून गेला ?’
ज्यास मी होत्या दिल्या ठिणग्या कितीदा
आज तो वणवा मला विझवून गेला!
No comments:
Post a Comment