(वैभव जोशी यांनी मायबोली.कॉम वर आयोजीत केलेल्या कार्यशाळेत लिहिलेली गझल.)
ऋतू येत होते, ऋतू जात होते
तरी ताटवे मग्न झुरण्यात होते!
म्हणाया तुझे आटणेही अकाली...
तुझे दाटणेही अकस्मात होते!
समजण्या मला लागला वेळ थोडा
तुझे प्रेम लपले नकारात होते!
मला सांग होता कसा दोष माझा ?
जरी ओठ माझे, तुझे दात होते!
तरसलो जरी मी, बरसलेच नाही
खुजे मेघ त्या आसमंतात होते!
तिथे पाहिली दानवांचीच सत्ता
तिथे देव नुसते पुराणात होते!
इथे कोणती लाट घेऊन आली ?
किनारे मला हे कुठे ज्ञात होते ?
Athavale, aprateem gazal. Assech lihit raha...
ReplyDelete