मला जे पाहिजे ते मी कधी करणार आयुष्या?
तुझ्याशी भांडण्यातच वेळ जातो फार आयुष्या
कितीदा चेहरा बदलून सामोरा तुला आलो
नवा तू घेतला प्रत्येकदा अवतार आयुष्या!
जसे करणे तसे भरणे असा जर कायदा आहे
तुझ्या वाट्यासही असले जिणे येणार आयुष्या!
अखेरी लागल्या रंगायला ह्या मैफली माझ्या...
अखेरी ऐकता आला तुझा झंकार आयुष्या
तुला सोडून जाताना मला का वाटली हळहळ?
कधी होता तुझा माझा सुखी संसार आयुष्या?
अरे इतक्याच साठी जाळला मी जन्म हा सारा
जराही सोसला नसता तुला अंधार आयुष्या!
I liked your ghazals. Keep up the good work.
ReplyDeleteBTW, I was searching for road to sajjan gad from pune. And google pointed me to your blog. That is how i reached here.