टी. पी.

कळत नाही आधी लक्षात कसं नाही आलं ते
की मुद्दाम दुर्लक्ष करत होतो?
कारण काँप्यूटर समोर बसलो असताना
अचानक काहीतरी सुचतंय असं वाटल्यावर
किंवा मित्राने लिहिलेली, आता अंधूकशी आठवणारी एखादी ओळ शोधायला
जातो ना मी तिथे... जवळ जवळ रोजच
कधीतरी वाटलंच असेल की ती जागा चुकीची आहे
पण भिती वाटत असावी...
ते तिथून हलवलं तर सगळी उलथा पालथ तर नाही ना होणार?
जे आहे तेही निसटून तर नाही ना जाणार...
भितीच बहुदा !!
म्हणूनच आत्ताही मी विचारच करतो आहे
आणि ते सगळ्या कवितांचे फोल्डर
अजूनही टी.पी. फोल्डरच्या आतच पडलेले आहे....

रीअर व्ह्यू

Click on the image to see the enlarged version.